په کابل کې د ایران سفارت اعلان کړی، چې ایراني بایسکل چلوونکی رحمت الله ازاد د ایران او افغانستان ترمنځ د سولې او دوستۍ له پیغام سره کابل ته راغلی دی.
دغه سفارت پر خپلې اېکس ټولنیزې شبکې لیکلي، چې دغه بایسکل ځغلونکي د نړۍ د هېوادونو ترمنځ د سولې پیغام شریکولو لپاره څو هېوادونو ته سفرونه کړي دي.
رسنیو د ایران د بایسکل ځغلونې د فدراسیون د یوه غړي رحمت الله آزاد له قوله لیکلي، چې له تېرو شلو کلونو راهیسې د معلولینو د نړۍوالې ورځې په مناسبت په ایران کې دننه او بهر بایسکل ځغلوي.
ښاغلي ازاد وويل، چې له افغانستان سربېره به څلورو نورو هېوادونو ته هم پر بايسکل سفر وکړي.