د فرانسې د ترهګرۍ ضد څارنوالۍ اعلان کړی، درې مېرمنې چې عمرونه یې شاوخوا ۲۰ کالونو پورې دي په پاریس ښار کې د ترهګریز برید د پلان جوړونې په تور نیولي دي.
چارواکو ویلي، د دغو مېرمنو څېړنې د اکتوبر له ۱۰مې نېټې څخه پیل شوې دي، او دا د څو کلونو وروسته لومړی ځل دی چې ښځې د ترهګرۍ په تور نیول کېږي.
د فرانسوۍ ورځپاڼې «لوپاریزین» د راپور له مخې، یوه مشکوکه مېرمن چې په ټېک ټاک خواله رسنۍ کې د مستعار نوم «بی» چې شاوخوا ۲۰زره تعقیبوونکي یې لرل د جهادي افکارو ملاتړ یې کاوه.
د څېړنو له مخې، نیول شویو مېرمنو د انلاین خبرو پر مهال د وسلو، ځانمرګي کمربندونو او د کنسرتونو بریدونو یادونه کړې وه.
دغه نیونې د ۲۰۱۵کال د نومبر د ۱۳مې د خونړیو بریدونو چې په کې ۱۳۰ تنه وژل شوي وو،د لسم تلین له نمانځنې سره هممهاله شوې دي.