د امریکا یوه فدرالي قاضي حکم کړی چې ولسمشر ډونالډ ټرمپ د ملي ګارډ ځواکونه د پورټلینډ ښار کې د احتجاجونو د کنټرول لپاره په غیرقانوني توګه نه شي لېږلی. قاضي ویلي چې د ښار وضعیت د پوځ د لېږلو جدي دلیل نه درلود او محدود لاریونونه د سیمهییزو پولیسو تر کنټرول لاندې وو.
قاضي کارین ایمیرګټ ویلي، په ښارونو کې د محدودو احتجاجونو له امله د ټرمپ اقدام د قانون خلاف دی او د ښار وضعیت د پوځ د لېږلو لپاره جدي بحران نه دی.
سپینې ماڼۍ وايي چې ټرمپ خپل قانوني صلاحیت کارولی، څو فدرالي مامورین خوندي وساتي؛ خو د پورټلینډ ښار او اورېګان ایالت چارواکي وايي چې تاوتریخوالی محدود وو او سیمهییزو پولیسو کنټرول کړی و. د ټرمپ اداره تمه لري چې د قاضي حکم وننګوي او قضیه ممکن بالاخره تر سترې محکمې پورې ورسېږي.