د سوډان په الفشیر ښار کې د چټک ملاتړ ځواکونو د بې پیلوټه الوتکو او توپچي بریدونو له امله لږ تر لږه ۶۰ ملکي کسان وژل شوي او لسګونه نور ټپیان دي.
یاد بریدونه د هغو بې ځایه شویو کسانو پر استوګنځایونو شوي چې د جګړې له امله د ښار په څنډو کې مېشت شوي وو.
د رویټرز د راپور له مخې، دا برېدونه د جمعې په شپه او د شنبې په سهار تر سره شوي دي.
الفشیر ښار دمګړی د سوډان د چټګ ملاتړ ځواکونو له خوا تر محاصري لاندې دی او هڅه کوي چې د یاد ښار کنټرول ترلاسه کړي.