په پاکستان کې د افغان کډوالو فوټبال لوبډلې «اتحاد افغان» د «پلازمېنې کپ» سیالیو په لومړۍ لوبه کې د اسلام اباد «ستاره» لوبډلې ته ۴-۳ ماتې ورکړه.
دا سیالي د پنجشنبې په ورځ ترسره شوه چې د وختونو په پای کې دواړه لوبډلې د ۲پر ۲ ګولونو مساوي شوې او لوبه تر پنالټیو وغځېده.
په اصلي لوبه کې د اتحاد افغان لوبډلې لپاره فردین سلطاني او احمد فواد ګولونه ووهل. په پای کې، د پنالټیو په لړۍ کې اتحاد افغان لوبډلې د ۴پر ۳ بریا خپله کړه.
د لوبې ستوری د اتحاد افغان لوبډلې ګول ساتونکې معراج و، چې د سیال ټیم دوه پنالټي ګولونه یې مهار کړل او د خپلې لوبډلې د بریا په ترلاسه کولو کې یې مهم رول ولوباوه.
د سیالیو د تنظیموونکو په وینا، د پلازمېنې کپ د اتم پړاو پچه اچونه به د راتلونکې اوونۍ د دوشنبې په ورځ ترسره شي او د اتحاد افغان لوبډلې راتلونکی سیال به هماغه مهال معلوم شي.