د جورجیا ټېک پوهنتون د انټرنېټ څارنې مرکز د وروستیو معلوماتو له مخې، افغانستان له تېرو ساعتونو راهیسې د نړیوالې شبکې له لید څخه بشپړ ورک شوی دی. د IODA د ډیټا پر اساس دا قطع سراسري ده، ځکه ټول تخنیکي شاخصونه په یو وخت کې اغېزمن شوي دي.
د IODA درې مهم شاخصونه بي جي پي اعلانات، فعال ترافیک، او د ډي اېن اېس پوښتنې ټول په ناڅاپي ډول راټیټ شوي او نږدې صفر ته رسېدلي دي. دغه درېواړه شاخصونه په ګډه د دې ښکارندویي کوي چې افغانستان په ملي کچه له انټرنېټ څخه پرې شوی دی.
د بي جي پي له مخې د افغانستان د شبکې پتې له نړیوالو روترونو ورکې شوې، چې د نړیوالې لارموندنې (routing) پرې کېدل ښيي.
د فعال ترافیک په برخه کې د نړیوال انټرنېټ د تبادلې اندازه په پرلهپسې ډول ښکته شوې او د صفر په کچه ثابته شوې ده.
معلومات ښيي، چې د افغانستان دننه او بهر د ډومېن نوم غوښتنې په چټکۍ سره کمې شوې، چې د کاروونکو د لاسرسي بشپړ پرې کېدل تاییدوي.
د IODA د ډیټا پر اساس دا قطع سراسري ده، ځکه درې واړه تخنیکي شاخصونه په یو وخت کې اغېزمن شوي دي.
دا لومړی ځل نه دی چې افغانستان د IODA په څارنه کې د شبکې د بشپړې پرې کېدو په توګه ثبتېږي، خو د اوسني انټرنېټ قطع کېدو کچه او اوږدوالی بېسابقې ګڼل کېږي.
د IODA پاڼې د خپرو شویو ګرافونو له مخې، د سپتمبر د ۲۸مې نېټې په ماښام د انټرنېټ د فعالیت کرښې یو دم ښکته شوې او تر اوسه د بیا راګرځېدو نښې نه ښيي.