د غزې د روغتیا چارواکو ویلي چې د یکشنبې په ورځ اسراییلي ځواکونو په دغه ښار کې نورې استوګنیزې ودانۍ په نښه کړې او شاوخوا ۴۰ فلسطینیان وژل شوی او ګڼ نور د ښار پرېښودو ته اړ شوي دي. د اسراییل ټانکونه په دغه ګڼ میشتي ښار کې پرمختګ کوي.
د غزې ښار روغتیايي چارواکو د یکشنبې په ورځ وویل چې په وژل شویو کې یوه حامله ښځه او د هغې دوه ماشومان هم شامل دي.
د اسراییلي پوځ له خوا د مرګونو په اړه سلاسي تبصره نه ده شوې، خو په یوه اعلامیه کې یې ویلي یې دي چې ځواکونو یې « ګڼ شمېر» وسله وال وژلي دي.
د یکشنبې په ورځ، شاهدانو ویلي چې د اسراییل ټانکونه د تیل الهوا پر لور پرمختګ کوي، چې دا د ښار یوه سویل ختیزه څنډه ده.
د اسراییلي پوځ اټکل دی چې د سپټمبر له پیل څخه تر دې دمه له ۴۵۰ زرو ډېرو خلکو ښار پرېښی دی. حماس بیا دا شمېر کم ګڼي او وایي شاوخوا ۳۰۰ زره خلک له ښاره وتلي او ۹۰۰ زره نور لاپاتې دي.