د طالبانو تر واک لاندې افغاني سرې میاشتې ټولنې خبر ورکړی، چې د ملي ټولنو نړۍوال فډراسیون ورسره ژمنه کړې چې له ستنېدونکو کډوالو سره به مرستې او په دې برخه کې به له افغاني سرې میاشتې سره همکاري کوي.
دغه ژمنه د افغاني سرې میاشتې ټولنې لپاره د طالبانو مشر شهاب الدین دلاور او د افغانستان لپاره د ملي ټولنو نړۍوال فډراسیون د کډوالو برخې له مسوول برو یانیک سره په لیدنه کې شوې ده. د خبرپاڼې له مخې؛ د دغه لیدنې موخه له ګاونډيو هېوادونو څخه د راستانه شویو کورنیو سره مرسته او د هغوی د ستونزو حل وو.