د اکسیوس خبري وېب‌پاڼې د راپور پر بنسټ؛ د امریکا متحده‌ایالاتونو ولسمشر ډونالډ ټرمپ د اسراییل له‌خوا د غزې تړانګې له بشپړ نیولو سره هېڅ مخالفت نه‌‌لري.

دوو امریکايي چارواکو نوموړې رسنۍ ته ویلي، ټرمپ د دې عملیاتو په اړه د اسراییل په پرېکړه کې د مداخلې اراده نه‌لري او اسراییلي حکومت ته یې اجازه ورکړې چې په دې اړه خپله پرېکړه وکړي.

ټاکل شوې، چې د اسراییل امنیتي کابینه نن پنج‌شنبه په دې اړه وروستۍ پرېکړه وکړي.