د لندن یو شمېر مېشتو فرهنګیانو د کابل پوهنتون پخوانی استاد لعل پاچا ازمون د هغه د کړو کارونو له امله وستایه.
د غونډې جوړوونکي وايي چې په یاده نمانځغونډه کې یې د کونړ زلزله ځپلو لپاره مرسته هم راټوله کړې ده.
په پاکستان کې د افغانستان د جمهوري دولت پخواني مرستیال سفیر زردشت شمس په یاده غونډه کې پښتو ژبې ته د لعل پاچا ازمون هڅې وستایلې او پر بهرمېشتو یې غږ وکړ چې د کونړ له زلزله ځپلو سره مرسته وکړي.