د امریکا متحدهایالتونو د فلوریډا ایالت د استازو جرګې غړی جو کاسیلو د زړه د حملې له امله مړ شو. دا خبر د ډیموکراټ ګوند د فلوریډا ایالت څانګې خپور کړی دی.
دغه ګوند په یوې اعلامیه لیکلي: «موږ ډېر خواشیني یو چې ۷۳ کلن جو کاسیلو د زړه د حملې له امله مړ شو.»
په اعلامیه کې زیاته شوې چې د هغه د جنازې مراسم به په ماساچوسټس ایالت کې د نوموړي د کورنۍ لهخوا یوازې د دوی ترمنځ ترسره شي. ویل کېږي چې د عامو خلکو لپاره به د مراسمو نېټه وروسته اعلان شي.
د سيبيسي خبري شبکې د راپور پر بنسټ، د فلوریډا د قوانینو له مخې، والي رون ډیسانتیس مکلف دی چې د دې خالي شوي څوکۍ لپاره ځانګړې ټاکنې اعلان کړي.