د رویټرز د راپور له مخې، روسیې د شپې په اوږدو کې د اوکراین په بېلابېلو ښارونو باندې سلګونه بې پیلوټه الوتکې او یو توغندی توغولي، چې د انرژۍ زیربناوې یې په نښه کړې او لږ تر لږه ۱۵کسان پکې ټپیان شوي.
د اوکراین هوايي ځواک ویلي چې روسیې ۴۰۰بې پیلوټه الوتکې او یو بالیستیک توغندی ویشتلی، چې په عمده ډول یې په خارکیف، کریوی ره او وینیتسیا کې ښاري سیمې هدف ګرځولې دي.
د اوکراین ولسمشر ولادیمیر زېلېنسکي پر اېکس ویلي، چې دغه پراخ او پرله پسې بریدونه د انرژۍ زیربناوو پر مرکزونو شوي دي.