د امریکا ولسمشر ډونالډ ټرمپ، ولادیمیر پوتین ته پنځوس ورځې وخت ورکړی، چې په اوکراین کې د اوربند او جګړې ختمولو لپاره چمتو شي.

ټرمپ خبرداری ورکړی، که تر ټاکلې مودې وروسته هم کوم تړون و نه شي؛ پر روسیې به تعرفې نورې هم لوړې کړي.

فرانس پرېس د ټرمپ له قوله لیکلي، چې هغه دا خبرې د دوشنبې په ورځ (د چنګاښ ۲۳) په سپینه ماڼۍ کې د ناټو له سرمنشي مارک روته سره د لیدنې پر مهال کړې دي.

ټرمپ زیاته کړې، چې د روسیې ترڅنګ به د هغه پر تجارتي ملګرو، لکه چین، هند، ترکیې او بیلاروس هم تعرفې لوړې کړي او په دې ډول به د روسیې اقتصادي ځواک اوبه کړي.