د امریکا د دفاع وزارت پنټاګون له جاپان او اسټرالیا څخه غوښتي چې د تایوان پر سر له چین سره د احتمالي جګړې پرمهال دې خپل رول او دریځ روښانه کړي.
فایننشل ټایمز رسنۍ ته ځینو سرچینو ویلي چې دغه غوښتنه د امریکا د دفاع وزارت مرستیال د جاپان او اسټرالیا د دفاعي چارو له چارواکو سره په کتنه کې کړې ده.
راپور زیاته شوې چې د پنټاګون غوښتنې دواړه جاپانیان او اسټرالویان ځکه حیران کړي چې تر اوسه امریکا هم د تایون بشپړ پوځي ملاتړ نه دی تضمین کړی.
تایوان یو خپلواک حکومت لري، خو چین یې د خپلې خاورې برخه ګڼي.