د امریکا ولسمشر ډونالډ ټرمپ به راتلونکې اونۍ په سپینه ماڼۍ کې خپل فېلپیني سیال مارکوس جی ار سره د اقتصادي مسایلو تر څنګ پر امنیتي هوکړو خبرې وکړي. د یاد هېواد ولسمشرۍ ماڼۍ منلې، چې مارکوس به (د جولای له ۲۰مې څخه تر ۲۲مې نېټې) پورې واشنګټن کې وي.
د دغه لیدنې مهمه برخه به د چین پرمخ زیاتېدونکي نفوذ د مخنیوي لپاره د فېلپین سره د ګډو همکاریو رامنځته کېدو په تړاو خبرې اترې وي. راپور کې راغلي، چې امریکا پلان لري د چین په سوېلي جنجالي سمندر کې د مخنیوي اقدامات لا ډېر کړي.