د ترکیې دولتي خبري اژانس اناډولو خبر ورکړی، چې تېره ورځ د دغه هېواد د بهرنیو چارو وزیر هاکان فیدان د امریکا د بهرنیو چارو له وزیر مارکو روبیو سره ټېلیفوني خبرې کړې دي.
د راپور لهمخې په دې خبرواترو کې د روسیې او اوکراین د جګړې د پای ته رسېدو لپاره د هڅو بهیر او په استانبول کې د وروستیو خبرواترو پایلې ارزول شوې دي.
په راپور کې همداراز راغلي، چې د دواړو خواوو ترمنځ د سوریې او غزې تړانګې د وضعیت په تړاو وروستي خبرې شوې دي.