د روسیې او اوکراین ترمنځ له درې کلونو وروسته د سولې لومړنۍ مخامخ خبرې له دوو ساعتونو کمې دوام وکړې او تر دې دمه د دواړو خواوو ترمنځ په خبرو کې د پرمختګ نښې نه ترسترګو کیږي.
یوې اوکرایني سرچینې د مسکو غوښتنې «ناممکنې او نهمنل کېدونکې» بللې دي.
د دواړو جګړه کوونکو لورو استازو د جمعې په ورځ په ترکیه کې سره ولیدل، چې دا د روسیې له یرغل وروسته، د ۲۰۲۲ کال د مارچ راهیسې د دوی لومړۍ مخامخ ناسته وه.