د ایران د بهرنیو چارو وزیر عباس عراقچي ویلي، چې ایران حق لري، چې له بشپړې اټومي سونګ دورې څخه ګټه پورته کړي.
عراقچي پر ایکس پاڼه استدلال کړی، چې د «این پي ټي» څو غړي هیوادونه اټومي وسلې ردوي، مګر د یورانیمو په غني کولو کې ښکیل دي.
هغه د امریکا د بهرنیو چارو وزیر مارکو روبیو د تېرې ورځې څرګندونو ته چې ویلي و «ایران باید د یورانیمو غني کول، د لېرې واټن توغندي جوړول او د ترهګرۍ ملاتړ بند کړي» په مستقیم ډول لیکلي، «د غلطو ادعاوو تکرارول اساسي حقایق نه بدلوي.»