د فلسطین د روغتیا وزارت وايي، چې فلسطیني ډاکټرانو په غزه کې له خاورو او خځلو څخه ۹ نور مړي را اېستلي، چې په دې سره د ۲۰۲۳ کال له اکټوبر میاشتې راهیسې د اسراییل په جګړو کې د وژل شویو شمېر اووه څلوېښت زره او ۴۹۸ ته ورسېد.
دغه وزارت د یوې خبرپاڼې په خپرولو سره ویلي، په تېرو ۲۴ ساعتونو کې څلور تنه ټپیان هم روغتونونو ته لېږدول شوي، چې له دې سره د اسراییل په بریدونو کې د ټپیانو شمېر ۱۱۱۵۹۲ ته رسېدلی دی.
یاد وزارت زیاته کړې: "ډېری قربانیان لاهم د خټو او سړکونو لاندې بند پاتې دي، ځکه چې ژغورونکي نه شي کولی دوی ته ورسېږي."
د غزې د دولتي رسنیو دفتر د یکشنبې په سهار وویل، چې د اسراییل په برید کې لږ تر لږه ۶۱,۷۰۹ کسان وژل شوي چې ۱۴,۲۲۲ یې د خاورو لاندې لادرکه دي.
د حماس او اسراییل تر منځ د جنورۍ په ۱۹ مه د غزې په تړانګه کې د اوربند موافقه وشوه، چې د خونړۍ او ویجاړونکې جګړې مخه یې ونیوله.
یاده دې وي چې د دغه جګړې له امله د جرمونو نړۍوالې محکمې د تېر کال په نومبر میاشت کې د اسراییل د لومړي وزیر بنیامین نتنیاهو او د هغه د پخواني دفاع وزیر یوف ګالنټ د نیولو امر صادر کړ.
محکمې دغه دوه کسان په غزه کې د جنګي جرمونو او بشري ضد جنایتونو باندې تورن کړي دي.