د سوریې د حلب ولایت د منبج په ولسوالۍ کې د شنبې په ورځ د نامعلومه وسله والو په یوه برید کې لږ تر لږه درې کسان وژل شوي او ۱۵ نور ټپيان دي.
د منبج ښار په رباطه سیمه کې چې د سوریې د ملي اردو تر کنټرول لاندې دی، وسله والو د بمونو ډک موټر ته چاودنه ورکړې.
په سمدستي توګه کومې ډلې د دې برید مسوولیت نه دی منلی، خو ځايي امنیتي ځواکونو ویلي چې ښايي د دغه برید تر شاه د ګورد ترهګریز سازمان لاس وي.
د کرد وسله واله ډله چې د تركيې پر وړاندې په خپله ۴۰ كلنه ترهګریزه مبارزه كې د تركيې، امريكا او اروپايي ټولنې له خوا د ترهګریز سازمان په توګه لست شوې، د ښځو، نويو زېږېدلو ماشومانو او بوډاګانو په ګډون د څه باندې څلويښت زره كسانو د وژنې مسووليت لري.
د راپورونو له مخې، په سوریه کې د بشارالاسد د رژیم له نسکورېدو راهیسې وسله والې ډلې هڅه کوي، چې له سیمه ییزې بې ثباتۍ څخه په ګټې اخیستنې د ترکیې سره په پوله کې د "ترهګرۍ دهلیز" رامنځته کړي.