د امریکا د بهرنیو چارو وزیر انتوني بلېنکن وایي، چې متحده ایالات به په سوریه کې له هغه حکومت ملاتړ وکړي چې د خلکو لهخوا غوره شوی وي.
هغه پر اېکس پاڼه کاږلي: «په اردن کې د سوریې په اړه د عقبا په ناسته کې مو د سوریې په مشرۍ د سیاسي واک انتقال د اړتیا په اړه خبرې وکړې.»
له بل پلوه په سوریه کې د حکومت ضد وسلهوالو مشر ویلي، چې اوسمهال په دغه هېواد کې بهرنۍ لاسوهنه نه شته، د اسراییل لپاره د بهرنۍ لاسوهنې هیڅ ډول توجیه هم نه شته او دوی له اسراییل سره هیڅ ډول تاوتریخوالی نه غواړي.
ابو محمد الجولاني ویلي دي، چې په سوریه کې بدلون په سیمه کې د ایران د خطرناک پلان پر وړاندې ستره بریا ده.
د هغه په وینا: «د ایران پلانونه د سیمې د خلکو لپاره دردونکي ثابت شوي، موږ له ایراني ولس سره کومه ستونزه نه لرو.»
هغه وويل، چې پخواني ولسمشر بشارالاسد د نشهيي توکو په توليد کې نړۍوال ريکارډ جوړ کړ.
نوموړي زیاته کړه، هڅه يې کړې چې له روسيې سره مسايل د خبرو له لارې حل کړي او روسيې ته يې د نويو اړيکو د ټينګولو زمينه برابره کړې ده.
الجولاني وړاندې وایي، چې اوسنی بدلون په ناڅاپي ډول نه دی راغلی؛ بلکې د څو کلونو پلانونو پایله ده.