تهران اندېښمن دی چې د ټرمپ له راستنېدو سره به په دالان کې د شاوخوا یو میلیارد ډالرو په ارزښت د تېلو صادراتو ته د دوی لاسرسی محدود شي.
له همدې امله د ایران اسلامي جمهوریت هوډ کړی چې سپینې ماڼۍ ته د ډونالډ ټرمپ تر راستنېدو مخکې د چین دالان بندر ته د تېلو د استولو لپاره یو پېرودونکی پېدا کړي.
حکومتي چارواکو سپاه پاسداران ته امر کړی چې د چین په شمال ختیځ کې د دالان په بندر کې ذخیره شوي نفت د منځګړو شرکتونو له لارې وپلوري.
ایران وېره لري چې واک ته د ټرمپ تر راستنېدو او د سیاسي فشار د پالیسۍ په صورت کې به د تیلو دغو زیرمو ته چې میلیاردونه ډالر ارزښت لري د ایران لاسرسی سخت شي.
د ایران انټرنیشنل له خوا د ترلاسه شویو معلوماتو له مخې، ددغه تېلو د لېږد مالي اعتبار به په چین کې میشتو ایراني شرکتونو له پاره وکارول شي.
د ټانکرونو د څارنې شرکت ورټکس معلومات ښیې چې د سپټمبر په میاشت کې د ایران اسلامي جمهوریت د تیلو پلور له کمېدو وروسته د ایران د تېلو زیرمې له ۳۶ میلیون بیرلو څخه ۴۸ میلیونه بیرلو ته لوړه شوې.
د دې زیاتوالي ارزښت یو میلیارد ډالر اټکل شوی دی.
د جو بایډن د ولسمشرۍ د څلور کلنې دورې په جریان کې، ایران د ټرمپ د سختو بندیزونو د تصویب لپاره یو فرصت موندلی و.
په دغه موده کې چې د حکومت مشر ابراهیم رییسی وو ایران خپل تېل د منځګړو له لارې په بې ساري کمه بیه وپلورل.
یاده دې وي چې ایران د نړیوالو بندیزونو له مخې نشې کولی چې د تېلو په څاګانو کې د تولید مخه ونیسي نو له همدې امله، د بندیز پر مهال باید خپل تېل له پیرودونکي پرته ذخیره کړي.
ددغه تېلو د ذخیره کولو لپاره، ایران د ټانکرونو بیړۍ کارولې، چې د ساتنې لګښتونه یې د نورو لګښتونو سره زیات شوي وو.
د متحده ایالاتو ولسمشر جو بایډن د بندیزونو په پام کې نیولو سره، چې محمد جواد ظریف د "بندیزونو عادي کول" بللي، منځګړو شرکتونو د ایران تېل د ایران له اوبو څخه بهر لېږدول او د لرې ختیځ په بندرونو کې یې د تصفیې په واسطه پلورل.
چین یو له هغه هیوادنو وو چې د ایران ۹۵٪ تېل ورته لېږدول کېدل، د ایراني قاچاق وړونکو تېلو اصلي پېرودونکي د چين کوچنۍ تصفيه خانې وې.
دغو تصفیه خانو د ایران تېل د نورو هېوادونو له تېلو سره ګډول، څو ډاډ ترلاسه شي چې چینايي ګمرکونه یې کشف نه کړي.
دا کوچنۍ تصفیه خانې په دې وروستیو کې د ټیټ کیفیت او د چاپیریال د زیانمنونکو اغیزو له امله د چین د حکومت له خوا تړل شوي یا تر فشار لاندې دي.
اوس له یوې خوا اسلامي جمهوریت سپینې ماڼۍ ته د ټرمپ د راتګ سیوری په خپل سر احساسوي او له بلې خوا هغه کوچنۍ تصفیه خانې چې د ایران د قاچاق وړونکو تېلو پېرودونکې وې اوس د ایران د تېلو پېرودونکي نه شي پاتې کېدای.