د هند پولیسو په جمو او کشمیر کې هغه اووه زدهکړیالان د ترهګرۍ ضد قوانینو پر بنسټ ونیول، چې د دې میاشتې په پیل کې یې د کرېکټ نړۍوال جام پایلوبه کې د هند پر وړاندې د اسټرالیا بریا ولمانځله.
د پولیسو یوه جګپوړي چارواکي ویلي، چې د کرنې پوهنتون اووه زدهکړیالان تېره اونۍ وروسته له هغه ونیول شول کله چې یوه زدهکړیال د دوی پر خلاف له دې امله شکایت وکړ چې دوی د هند ضد شعارونه ورکول او د لوبې وروسته د اسټرالیا سره د پاکستان لپاره یې یو ځای خوښي کوله.
پولیسو وویل، چې د هند پر ضد د دغو اوو زدهکړیالانو یوه ویډیو یې هم ترلاسه کړې ده.
کشمیر کې مېشت مسلمانان له ۱۹۹۰ کال راهیسې د نوي ډیلي پر وړاندې جګړه کوي.
که څه هم دغلته اوس تاوتریخوالی څه نا څه کم شوی دی؛ خو په دغو جګړو کې لسګونو زره کسان وژل شوي دي.