د کندوز ولایت د طالبانو د امنیه قومندانۍ مسوولین وايي، تېره ورځ (جمعه د لړم ۱۶مه) د کندوز ښار د لومړي سمت ماموریت پولیسو له لوري د یوې ښځې په ګډون درې کسان د «نامشروع اړیکو» په تور نیول شوي دي.
دغې قومندانۍ د شنبې په ورځ (د لړم ۱۷مه) د یوې خبرپاڼې په خپرولو سره ویلي، نیول شوي کسان د کندوز ښار د قوچې او کوبهي سیمو اوسېدونکي دي.
خبرپاڼه کاږي، دغه تورن کسان به د لومړنیو پلټنو تر بشپړېدو وروسته اړوندو عدلي او قضایی بنسټونو ته وسپارل شي.