په دې وروستیو کې د پاکستان په لاهور ښار کې هوا سخته ککړه شوې او په دغه ښار کې د هوا ککړتیا خورا خطرناکې کچې ته رسېدلې ده. د پنجاب ایالت د چاپېريال ساتنې ادارې ویلي، چې د لاهور د هوا د کيفيت شاخص ۳۵۸ ته رسېدلی دی، دغه ډول ګوجرانواله ۵۰۰ او سرګودها ۳۴۷ ثبت شوی دی.
دغه اداره وايي، چې د هوا د کيفيت شاخص په فيصلاباد کې ۳۰۶، ملتان کې ۳۰۴ او ډېره غازي خان کې ۲۴۴ ثبت شوی دی. جیونیوز دوشنبه (د لړم ۵مه) لیکلي، د لاهور تر ټولو ډېر ککړه سيمه ملتان روډ ده.