د طالبانو تر واک لاندې ملي ټلوېزیون چې طالبانو خپله مسوده پاکستان پلاوي ته سپارلې او هغوی هم خپله دویمه مسوده دوی ته سپارلې ده. د ترکیې په وخت نن دولس بجې به يو وار بيا دواړه ټیمونه د منځګړو په حضور کې سره کېني او هڅه به وکړي چې یوې وروستۍ پرېکړې ته سره ورسېږي.
د طالبانو مذاکراتي ټيم تر ۱۵ساعته پرلهپسې خبرو وروسته تېره شپه ۲ بجې پاکستاني لوري ته خپله وروستۍ مسوده وسپارله.
د طالبانو تر ادارې لاندې ملي ټلوېزیون پر خپله اېکس پاڼه لیکلي، په دې مسوده کې دې ټکو ته پام شوی، چې پاکستان باید د افغانستان ځمکنی او هوايي حريم نقض نه کړي او د افغانستان پر ضد هیڅ یوې مخالفې ډلې ته اجازه ورنه کړي، چې د پاکستان خاروه د افغانستان پر ضد وکاروي.
راپور کې ویل شوي، د اوربند د هوکړې د تعقیب لپاره باید يو څلور اړخيزه چينل جوړ شي چې د سرغړونو، ارزونې او معلوماتو تبادله پهکې وشي.