د کاناډا لومړی وزیر مارک کارني او د امریکا ولسمشر ډونالډ ټرمپ په تېرو پنځو میاشتو کې د دویم ځل لپاره له یو بل سره وکتل. د ټرمپ او کارني ترمنځ دغه ناسته په سپینې ماڼۍ کې شوې، چې پهکې د دواړو خواوو ترمنځ د سوداګریزو تعرفو پر څرنګوالي خبرې شوې دي.
ټرمپ ویلي، چې دواړه هېوادونه به د تعرفو د راکمولو او د سوداګریزو اړیکو د لا ښهوالي په اړه بحث وکړي؛ خو لاهم په دې برخه کې د نوي تړون چانس کم دی. د کاناډا لومړي وزیر بیا ویلي، هڅه کوي چې له امریکا سره خپلې سوداګریزې او اقتصادي اړیکې بېرته ورغوي.