په خوست کې د طالبانو رسنیز دفتر خبر ورکړی چې د بنګلهدېش دیني عالمانو یوې ۱۴ کسیزې ډلې دغه ولایت ته د سفر پر مهال د یادې ډلې له ځايي چارواکو سره د «اسلامي ارزښتونو پر پیاوړتیا او د فرهنګي تجربو پر تبادلو بحثونه» کړي دي.
دغه ناسته پرون (جمعه، وږي ۲۸مه) شوې او طالبانو د اسلامي هېوادونو ترمنځ د همکارۍ پر پیاوړتیا ټینګار کړی او د اغېزمنو تجربو شریکول یې هم مهم ګڼلي دي. په خبرپاڼه کې زیاته شوې چې د بنګلهدېشي او افغان دیني عالمانو ترمنځ همکارۍ او اړیکې کولای شي چې د اسلامي ټولنو په پرمختګ کې رول ولوبوي.
تر دې مخکې هم د پاکستان په ګډون د یو شمېر نورو هېوادونو دیني عالمان د طالبانو تر واک لاندې افغانستان ته تللي او طالبانو سره یې د اړیکو د پیاوړتیا خبرې کړې دي. له اسلاماباده بیا تللي دیني عالمان کابل ته په جرګه ورغلي وو چې پاکستان کې د زیاتیدونکې ترهګرۍ عاملان دې په افغانستان کې وځپي.
هاخوا بیا د یو سعودي عربستان په ګډون د یو شمېر نورو اسلامي هېوادونو دیني عالمان په کابل کې د طالبانو له لوري له د ښخو پر کار او زدهکړو د طالبانو بندیزونه غندلي دي. پر کابل د واکمنو دا چاره یې د اسلامي شریعت خلاف عمل بللې او ترې یې غوښتې چې د شریعت برعکس دغه ډول سختدریځۍ نه دې لاس واخلي.