د خیبر پښتونخوا په بنو ولسوالۍ کې د فډرالي ځواک (اېف، سي) مرکز مخې ته د موټربم چاودنه شوې. په چاودنه کې درې پوځیان وژل شوي او د پېښې مسوولیت د پاکستان اتحادالمجاهدین ډلې منلی دی.
د بنو پولیسو ویلي، چې نن سهار وختي لومړی د اېف سي ځواکونو د مرکز مخ ته د موټربم چاودنه وشوه او بیا درې ځانمرګي بریدګر مرکز ته ننوتل. د پولیسو په وینا؛ د موټربم په چاودنه کې دوه پوځیان ووژل شول او درېیم پوځي وروسته د سختو ټپونو له امله ساه ورکړه. پولیسو زیاته کړې، چې درې واړه بریدګر وژل شوي دي.