په جرمني کې د بېکارۍ کچه له یوې لسیزې وروسته لومړی ځل درې میلیونو ته لوړه شوې، چې د اقتصادي رکود د ژورېدو اندېښنې یې زیاتې کړې دي.
د جرمني د فدرالي کاري ادارې په وینا، یوازې د اګست په میاشت کې ۴۶ زره کسانو خپلې دندې له لاسه ورکړي او د بېکارۍ کچه ۶.۴ سلنې ته لوړه شوې.
د تېر کال د همدې میاشتې په پرتله بیا ۱۵۳ زره کسان ډېر بېکاره شوي دي.
د کاري فرصتونو غوښتنه هم کمه شوې؛ په اګست کې ۶۳۱ زره دندې اعلان شوې وې چې د تېر کال په پرتله دا دندې۶۸ زره لږې دي.
لومړي وزیر فریدریښ میرڅ وویل، د بېکارۍ زیاتوالی غیر متوقع نه و او حکومت به د ستونزې د حل لپاره په نوو اقتصادي پانګونو تمرکز وکړي.
د کاري ادارې مشره اندریا نالس د وضعیت د ښه کېدو نازکې نښې یادې کړي، خو خبرداری یې ورکړ چې ژمی ښایي شمېر بیا لوړ کړي.
د کار وزیرې بېرېل باس د روسیې جګړه، نړیوال اقتصادي ناورین او د کلونو رکود د بازار پر حالت اغېزمن وباله.
په همدې حال کې، د کارګرانو اتحادیې مشر درې میلیونه بېکاران «شرموونکې شمېره» وبلله او د ریښتینو اصلاحاتو غوښتنه یې وکړه.