د طالبانو تر واک لاندې باختر اژانس خبر ورکړی، چې له پېښو سره د مبارزې او چمتووالي ملي ادارې لپاره د دغې ډلې مشر نورالدین ترابي د اکټېد نړۍوالې موسسې له مشر هنس جوهانس سره د ۶۷۳ زره ۵۰۳ ډالرو په ارزښت د ګډو همکاریو هوکړه لاسلیک کړه.
د دغه هوکړهلیک له مخې به د بدخشان ولایت په شهر بزرګ، تیشکان او کشم ولسوالیو کې ۱۱۰۰ زیانمنو شویو کورنیو سره نغدي مرستې کېږي. دغه ډول به د تخار په چال، بنګي او اشکمش ولسوالیو، د سرپل ولایت په سنچارک او ګوسفندي ولسوالیو، د فاریاب ولایت په ګرزیوان او دولت اباد ولسوالیو کې هم د وچکالۍ له امله زیانمن شویو کورنیو سره مرستې وشي.