د ملګرو ملتونو امنیت شورا خبر ورکړی چې د طالبانو د ریاستالوزرا اداري مرستیال عبدالسلام حنفي پر سفر بندیز یې د لنډمهالې مودې لپاره لېرې کړی دی.
د ملګرو ملتونو د امنیت شورا شنبه (زمري ۱۱مه) پر خپله اېکسپاڼه لیکلي چې د حنفي پر سفرونو بندیز یې د روان کال د اګست میاشتې له ۱۴مې نه تر ۳۱مې پورې لېرې کړی دی. حنفي د قطر مرکز دوحې ته ځي او د سفر موخه يې طبي درملنه بلل شوې ده.
پر افغانستان د طالبانو تر واکمنېدو وروسته، ملګرو ملتونو د دغې ډلې د یو شمېر چارواکو پر سفر بندیزونه لېرې کړل چې د ښځو او بشري حقونو فعالانو غبرګونونه یې راوپارول.