اسټرالیا، کاناډا، نیوزېلنډ، ناروې او برېټانیا د اسراییل پر ښي اړخو وزیرانو اتمر بین ګویر او بیزلیل سموتریچ بندیزونه اعلان کړي او دوی یې په لویدیځه غاړه کې د فلسطینیانو پر وړاندې د تاوتریخوالي په هڅولو تورن کړي دي.

اسراییل او امریکا بیا دغه بندیزونه غندلي؛ خو د اسټرالیا لومړي وزیر انتوني البانیز بیا له دغه اقدام دفاع کړې او ویلي یې دي، چې د اسراییل او امریکا د غبرګونونو وړاندوینه کېده.

هغه له اې بي سي راډیو سره په یوه مرکه کې ویلي، چې د اسراییل حکومت باید د نړۍوالو قوانینو له مخې خپلې ژمنې پوره کړي.