د امریکا ولسمشر ډونالډ ټرمپ ویلي، له چین سره نوی سوداګریز تړون شوی، چې له مخې به یې چین امریکا ته مقناطیسي مواد او نادره فلزات برابروي او په بدل کې به یې چينایي محصلینو ته په امریکايي پوهنتونونو کې د زدهکړو اجازه ورکول کېږي.
ټرمپ زیاته کړې، امریکا به پر چینایي وارداتو ۵۵ سلنه تعرفې ولګوي، په داسې حال کې چې چین به یوازې ۱۰ سلنه تعرفه وضع کوي.
هغه ویلي، دا تړون به د دواړو هېوادونو د ولسمشرانو له وروستي تایید وروسته عملي شي.