کرملین ویلي، چې له امریکا سره د اړیکو ښه کېدو ته ډېر وخت ته اړتیا ده او د دواړو هېوادونو ترمنځ روانې خبرې اترې به ژر پایله ورنه کړي.
د روسیې د ولسمشر ویاند دیمیتري پېسکوف د چهارشنبې په ورځ خبریالانو ته وویل: «راځئ ووایو چې د دواړو هېوادونو ترمنځ په دوه اړخیزو اړیکو کې ډېر خنډونه موجود دي. البته د کومو چټکو پایلو هیله نشته، خو دا یو پیچلی، ګام پر ګام بهیر دی چې پیل شوی او دوام به ومومي.».
هغه دا هم رد کړه چې خبرې اترې بندې شوې دي.