د طالبانو ریاست الوزرا د یوې اعلامیې په خپرولو سره ویلي، چې په کابل کې د چین سفیر د دې ډلې د ریاست الوزرا له اداري مرستیال عبدالسلام حنفي سره په کتنه کې د دواړو هېوادونو ترمنځ د دوستانه تعاملاتو او اړیکو په اړه خبرې کړې دي او هغه ته یې د چین د سفر بلنه ور کړې ده.
یاده اداره وايي، د چین سفیر عبدالسلام حنفي ته د چین ـ سویلي اسیا په نهم نندارتون کې د ګډون بلنه ورکړې ده.
د چین ـ سویلي اسیا نهم نندارتون د روانې میاشتې له ۱۹ مې نه تر ۲۴مې نیټې پورې د چین په کونمېنګ ښار کې ترسره کیږي.