ایراني رسنیو خبر ورکړی، چې د دغه هېواد د بهرنیو چارو وزیر عباس عراقچي د یوه پلاوي په مشرۍ له امریکا سره د اټومي خبرو اترو پنځم پړاو کې د ګډون لپاره، چې د عمان په منځګړتوب ترسره کېږي ایټالیا ته روان شو.
د جمعې په ورځ د (غبرګولي دویمه) په دغه سفر کې د ایران بهرنیو چارو وزارت سیاسي مرستیال مجید تخت روانچي، د دغه وزارت د حقوي او نړۍوالو چارو مرستیال کاظم غریب ابادي او د یاد وزارت ویاند اسماعیل بقایي په دغه پلاوي کې شامل دي.