د افغانستان د سولې په چارو کې د امریکا پخوانی ځانګړی استازی زلمی خلیلزاد وایي، چې دواړه خواوې «هند او پاکستان» باید د تاوتریخوالي د مخنیوي لپاره کار وکړي.
هغه په ایکس پاڼه لیکلي: «په کشمیر کې د ترهګریز برید په ځواب کې، هند په پاکستان کې پر اهدافو بریدونه کړي، او اسلام اباد یې ځواب ورکوي.»
خلیلزاد، د تاوتریخوالي دا لړۍ وحشتناکه بللې، او پر دواړو هېوادونو یې غږ کړی، چې له زیات تشدد څخه ډډه وکړي. ترهګري د حل لاره نه، بلکې د غم او تباهۍ لامل کېږي.