د ایران د ژغورندویه او مرستندویه ادارې مشر بابک محمدي وايي، په بندر عباس کې د چاودنې له امله څلور کسان وژل شوي او ۵۶۱ ټپیان دي.
دې چاودنه کې د بندر عباس ټولې بندري ودانۍ زیانمنې شوې او وېره شته چې ځینې کارمنان او خلک به تر ودانیو لاندې وي.
ایراني چارواکي وايي، چاودنه د تېلو ډېپو کې شوې ده، خو لامل یې مالوم نه دی.
چاودنه دومره زوروره وه چې تر څو کیلومترو لرې یې هم ودانۍ زیانمنې کړې دي.
د ایران جمهوري اسلامي خبري رسنۍ د دې هېواد د بېړنیو حالاتو ویاند بابک یکتاپرست به حواله لیکلي چې تر اوسه پورې ۱۵ امبولانسونه او څلور بس امبولانسونه د پیښې ځای ته د زخمیانو د لېږدولو لپاره استول شوي دي.
هغه د دې پېښې د مقابلې لپاره ځانګړي ترتیباتو ته په اشارې سره وویل: د شیراز بېړنۍ خونه هم په بشپړ ډول چمتو شوې او د احتمالي ټپیانو د منلو لپاره اړین ترتیبات یې نیولي دي.
هغه همدراز وویل د ژغورنې بېړنۍ چورلکه له لارستان څخه د زخمیانو د مرستې لپاره تللې ده.
تر اوسه ایراني چارواکو د چاودنو د څرګندوالي په اړه کوم جزییات نه دي ورکړي.
له دې پېښې سره هممهاله د امریکا او ایران استازي په عمان کې خبرو ته جرګه دي.