د بلوچستان مرکز کوټې پر سریاب سړک وسله وال بريد کې درې پولیس وژل شوي او یو ټپي دی.
برید د پولیسو د ګزمې پر موټر شوی دی.
پاکستاني رسنيو د امنیتي چارواکو له قوله خبر ورکړی، چې دغه وسله وال برید د پنجشنبې په ورځ شوی او د و سله والو پر ځپلو يې ټينګار کړی.
په ټولنيزو رسنیو کې د برید ويډيو هم نشر شوې، چې په کې معلوميږی، د پولیسو پر ګادي موټر سیکل سپاره وسله وال بريد کوي.
تر اوسه د برید مسولیت چا نه دی منلی.
په وروستیو میاشتو کې په بلوچستان کې بریدونه او چاودنې ډېر شوي چې پکې تر ډېره امنیتي سرتېرو ته مرګژوبله اوړي.