له اتلانو جام وړاندې د پاکستان په کوربه توب د نیوزلینډ، پاکستان او سوېلي افریقا ترمنځ د درې اړخیزې لوبلړۍ اتلولې د نیوزیلنډ لوبډلې وګتله.
د نیوزیلنډ کرېکټ ملي لوبډلې د درې اړخیزې لوبلړۍ په ورستۍ لوبه کې د پاکستان کرېکټ ملي لوبډلې ته په پنځو وېکټو ماتې ورکړه.
د دغې لوبلړۍ د پایلوبې پچه پاکستان وګټله او لومړی یې د توپ وهنې پریکړه وکړه.
د پاکستان لوبډلې د ټولو لوبغاړو په سوځیدو سره سیالې لوبډلې ته د ۲۴۳ منډو هدف ورکړ.
د نیوزیلڼد لوبډلې د مېچل ۵۷، لیتهایم ۵۶، د کین ویلمسن ۳۴ او د کانوای ۴۸ منډو په مټ د پاکستان له لوري ورکول شوی هدف د لوبې په ۴۶ اور کې د پنځو ویکټو په زیان پوره کړ او له پاکستان څخه یې په خپل کور کې د درې اړخیزې لوبلړۍ اتلولې وګټله.