د طالبانو د امر بالمعروف او شکایتونو اورېدو وزارت خبر ورکړی، چې د خلکو د ګڼو شکایتونو له امله یې د بلخ ولایت په مرکز مزارشریف ښار کې دوه مسلکي کوډګر د کوډو له کتابونو او نورو وسایلو سره نیولي دي.
یاد وزارت د دوشنبې په ورځ (د لړم ۵مه) پر اېکس پاڼه لیکلي، چې تر لومړنیو څېړنو وروسته د دغه کوډګرو دوسیې عدلي او قضايي ادارو ته سپارل شوې دي. طالبانو تر دې مخکې هم په بلخ، جوزجان او سرپل ولایتونو کې څلور کوډګر نیولي وو.