په اذربایجان کې د طالبانو تر کنټرول لاندې د افغانستان سفارت وایي، چې د دغه سفارت چارسمبالي محمد فیصل د دغه هېواد د ولسمشر مرستیال او بهرني سیاست څانګې له مشر حکمت حاجیوف سره لیدلي دي.
د دغه سفارت څخه په خپره شوې خبرپاڼه کې راغلي، چې دواړه لوریو د سیاسي، اقتصادي، سوداګریزو او ټرانزیټي همکاریو په تړاو خبرې کړې دي.
خبرپاڼه زیاتوي، چې حکمت حاجیوف د افغانستان سره د هر اخیزو همکاریو په برخه کې چمتوالی ښودلی دی.