د طالبانو تر واک لاندې د افغانستان د المپیک، بدني روزنې او سپورټ ادارې رییس ویلي، چې د اسلامي هېوادونو د پیوستون سیالیو کې محمد جعفر سلطاني د برونزو مډال ګټلی او له دې سره د افغانستان د ګټلو مډالونو شمېر درېیو ته ورسید او په یادو سیالیو کې له ۳۱ هېواددونو څخه مخکې شو.
احمدالله وثیق ویلي، چې محمد جعفر سلطاني د اسلامي هېوادونو د پيوستون په سیالیو کې د ووشوو په برخه کې د برونزو مډال ګټلی او نن کابل ته راستون شتون شو.
د طالبانو تر واک لاندې د افغانستان د المپیک، بدني روزني او سپورټ ادارې رییس احمدالله وثیق ویلي، چې د سعودي عربستان په کوربه توب د اسلامي هېوادونو د پیوستون سیالیو کې افغانستان له دې وړاندې مویتای په برخه کې د سرو زرو او د تیکواندو په برخه کې د نقرې مډالونه هم ګټلي وو او د برونزو مډال په ګتلو سره د ۵۷ هېوادونو له ډلې څخه له ۳۱ هېوادونو مخکې شو.