د فلسطین د روغتیا وزارت راپور ورکړی، چې د اوربند له رامنځته کېدو او د اسراییلي پوځ د شاتګ په لومړیو ۴۸ ساعتونو کې لږ تر لږه د ۱۱۷ فلسطینیانو مړي په غزه کې پیدا شوي دي.
د سياېناېن د راپور له مخې، دې اوربند د غزې په سیمه کې د بېړنیو مرستندویه ځواکونو لپاره زمینه برابره کړې، ترڅو هغه کسان را وباسي چې مخکې له دې د ودانیو او ویجاړو بنسټونو لاندې په غزه کې ښخ شوي وو.
اټکل کېږي، چې په تېرو دوو کلونو کې له ۱۰ زره څخه ډېر فلسطینیان د وران شویو ودانیو لاندې ښخ شوي وي.