د بریتانیا حکومت ښايي د ځینو هېوادونو اتباعو لپاره د ویزو پر محدودولو غور پیل کړي. د رسنیو راپورونو له مخې، وزیرانو ویلي چې د هغو هېوادونو اتباع چې د کار یا تعلیمي ویزو له لارې بریتانیې ته ځي، ډېر وخت د سیاسي پناه غوښتنه کوي.
د برېتانیا د کورنیو چارو وزارت د معلوماتو له مخې، په تېر کال کې ۱۰۸ زره کسانو د سیاسي پناه غوښتنه کړې، چې تر ټولو زیات پکې پاکستانیان وو، چې شمېر یې ۱۰۵۴۲ کسانو ته رسېده. په دویم او درېیم ځای کې سریلانکا او نایجیریا ځای لري.
د راپورونو له مخې، په ۲۰۲۴ کال کې بریتانیا کې ۱۰۷۴۸۰ هندي او ۹۸۴۰۰ چینایي زده کونکي موجود وو، چې دا هم د بریتانیا د تعلیمي سیستم لپاره مهمه برخه جوړوي.
د وړاندیز شوي پلان له مخې، د پاکستان، نایجیریا او سریلانکا اتباع ممکن بریتانیا ته د سفر په برخه کې ستونزې تجربه کړي.