پروژه سروی و استخراج گاز طوطی میدان جوزجان روز یکشنبه ۲۳ سنبله با حضور مقام‌های طالبان و اوزبیکستان آغاز شد.
طالبان قرارداد سروی و استخراج گاز طوطی میدان را به اوزبیکستان واگذار کرده است.
عصمت‌الله ایرگاشف، نماینده ویژه رئیس‌جمهور اوزبیکستان در امور افغانستان، ملاعبدالغنی برادر، معاون اقتصادی رئیس‌الوزرای طالبان و دیگر مقام‌های این گروه در افتتاحیه پروژه شرکت داشتند.
ملاعبدالغنی برادر، معاون اقتصادی رئیس‌الوزرای طالبان در این مراسم گفت که با این پروژه برق وارداتی به افغانستان کاهش خواهد یافت.