بخت‌جمال گوهر، از مسئولان طالبان در گذرگاه تورخم، می‌گوید پاکستان در روزهای اخیر روند اخراج مهاجران افغان را تندتر کرده است.

به گفته آقای گوهر، هر روز صدها خانواده از مناطق مختلف پاکستان به زور به افغانستان بازگردانده می‌شوند.

این مقام طالبان مشخص نکرده است که اخراج‌ها چند درصد افزایش یافته است.

محمدهاشم میوندوال، مسئول کمپ عمری وابسته به طالبان در تورخم، از نهادهای کمک‌رسان خواسته است که به مهاجران اخراجی توجه بیشتری داشته باشند.

همزمان سردار احمد شکیب، سفیر طالبان در پاکستان در یک گفت‌وگوی رسانه‌ای پاکستان را متهم کرد که در حق مهاجران افغان «ظلم» می‌کند.

این مقام طالبان تاکید کرد که مهاجران افغان در پاکستان دارایی‌ها، سرمایه‌گذاری‌ها و ملکیت‌های بزرگ دارند و از دولت پاکستان خواست که برای جمع‌آوری یا فروش آن‌ها، به افغان‌ها فرصت بدهد.