د اسلامي هېوادونو د پيوستون د شپږم پړاو سیالیو د مویتای په برخه کې محمد یوسف جهانګیر په پرلهپسې ډول اندونیزیايي او سعودي سيالانو ته ماتې ورکړې او د سپينو زرو مډال یې ګټلی دی.
د طالبانو د المپیک، بدني روزنې او سپورټ لوی رییس احمدالله وثیق د پنجشنبې په ورځ پر اېکسپاڼې لیکلي، چې جهانګیر به سبا د سرو زرو مډال ګټلو لپاره د خپل ترکي سیال پر وړاندې د سیالۍ ډګر ته ښکته شي.
وثیق زیاته کړې، چې سيد حميد سادات خپل قزاقستاني سیال ته ماته ورکړه؛ خو د ايراني سيال پر وړاندې يې ماته وخوړه او د برونزو مډال ګټونکی شو.