د حماس یوه لوړپوړي چارواکي اسامه حمدان د فرانسې خبري اژانس سره په مرکه کې ویلي: «د لاسلیک شوي تړون له مخې، د بندیانو تبادله باید د دوشنبې په سهار پیل شي او تراوسه په دې اړه هېڅ نوی بدلون نه دی راغلی.»
د اوربند د لومړي پړاو د تړون له مخې، چې د امریکا په منځګړیتوب د دواړو خواوو ترمنځ لاسلیک شوی، له غزې څخه د یرغملو تر ستنېدو وروسته اسراییل به شاوخوا ۲۰۰۰ فلسطیني امنیتي بندیان خوشې کړي.
حماس مخکې ویلي و، چې ښايي د ۷۲ ساعته ضربالاجل په موده کې د ځینو مړو شویو یرغملو د جسدونو موندلو کې له ستونزو سره مخ شي او اسراییل هم له دې موضوع خبر دی.
ویل کېږي، چې له ۴۸ یرغملو څخه ۲۰ تنه ژوندي دي او ۲۸ تنه مړه شوي دي.